مذكرات مفهي

[عشقي برونزية]

بكتب هنا كل قراشيعي واحط هنا كل صورى ولا اشوف احد يوطوط فيذا اولكم نواف

ابحط مذكراتى وافكارى وققصى كلها

ايميل مانى كاتبنة وردود وهواش ماابغا
يعنى خلونى وابعدو


ايه ايه ياحزم الضامى

ياجماعة الخير .. أنا هاليومين أمر بحالة نفسيه سيئة جداً جداً ..
لأني عشت طول عمري أعطي العالم نظرات واقول ..
[ مسكين مخفه .. يوووه مسكين على نياته .. يارجال زلبه سبيكه ] ..
لكن سبحان اللي يغير ولا يتغير .. لأني قبل يومين جاني واحد من ربعي ..
وقالي اسمع يا .. تراك مسوي ذيب وذبيب وخفيف دم ..
وانت أصلاً مخفه وماصل وحنا نماشيك عشان نطقطق عليك ..
بكيت بحسرة على عمري الضايع وأنا عايش بين الذئاب البشريه تنهش في لحمي ..
على أني كنت مستبعد أنها تنهش لأني شين لكن أنا الي اكتب الموضوع وأنا حر باللي اقوله ..
عقب البكوه قلت له .. وش دراك اني مخفه وغبي؟! .. قالي تذكر طفولتك وبتعرف ..
على العموم بدون مقدمات إليكم حكاياتي الحزينة <- بدون مقدمات؟!
تجدونها على مدونتى

[عشقي برونزية]

مذكرة رقم واحد

وآحد من أخوآني تسذا لآعبن على البشريه كله ببيتنآ ومتولجهم مير مر لي موقف معة شكلة سخره من ربي عشآن يعرف ان الله حق
أخبر مره قآعدن مع أهلي سوآليف وفشفاش وبطاطش بالشطه وفله حجاج وتسذا ومير يرن التلفون طبعآ زي مآتعرفون أخوي هذا معروف بالرقه والحنآن بدأ يستفرد عضلآته علينآ ومالقآن الا أنا الضعيف
( أي هين ) قال التلفون يرن قم رد عليه قلت ابشر
الوة : من
المتصل : نادلي اخوك الكبير ياوجه العنز
سديت السمآعه وقلت لأخوي هذا خويك يبيك قالي : قول لوه مانب موجود وأبد .... أرفع السمآعه مرتن ثانية قلت ألو يقول أخوي مم بوه
أي ..... ياناس
قنعآت اللي جتن بوقته الله يكرمكم حتى النعآل مرن فوق دمجتي تقل مطآر الملك زيزو بجدة ذي رآيحه وذي جآيه أزين شي بالموقف هذآ
ركض وراي بالحوش يبي يسدحن سدحة لكن كان بالحوش لي مويا يصب على شجرة عيت تنبت لانها عندنا ومضربه عن النمو بس نسقيها وهي مو براضية تنبت
وسوى اخوي ذاك الدبل كيلك لاوهو قطاعين ويتلو تقول داب ويون تقول نعجة اثاري بوه لو حجرة عيت الا تصك ألأ عصعصه وتكسره ويترقد ونعيش بخير وثبات ونبات ونخلف صبيان وبنات ويتزوجون عيالنا ويجيهم حتى هم عيال وعيالهم يجبون عيال والعيال تجيب عيال وتغدي الدنيا عيال بعيال وينزل فلم العيال كبرت

[عشقي برونزية]

عجبتنى هالصوره وقلت احفظها لحد مايفتح البنك واودعها فيه

http://up.do7a.com/get-12-2008-do7a_com_450h48yt.gif


ياحليل عوينات الصغير

[عشقي برونزية]

( وجه يطالع العنوان ويقول مهوب أنا .. مهوب أنا )

<- يرحم امكم صدقوه .. مايكفي أنه قزم يصير مخفه ومفهي بعد؟! ..


ما اخفيك سراً



عارفين وش ذا ؟

او هل تعلمون ماهذا ؟


http://www.zya3.com/up/uploads/100a8833ad.jpg (http://www.zya3.com/up)

من يوم اني صغير و أنا اهوجس و أفكر بالعرس وانا أهوجس اجيب عيال واصير رجل طبعاً لأن المال و البنون زينة الحياة الدنيا و من ناحية المال أنا عارف نفسي منيب وجه مال قلت مالي إلا أفكر بالنبون

قدر الله علي و أعرست >>>>>>> ( ناوي يشحذ بهالموضوع يالأخو )
و من أول ما أعرست و أنا كل يوم أطالع في كرشة زوجتي أحتريها تكبر مهوب حب(ن) في الكرش بس حب(ن) في الولد و في أحد الايام إنتبهت لي زوجتي و قالت لي وش فيك تناظر كرشتي ... مضيع(ن) لك قلم و إلا مفاتيح >>>>> (خفيفة دم الله يخليها لي )
قلت لا و الله ياعمري ( أهبل و أنا رومنسي) بس أتحراك تحملين و أشوف بطنك يكبر ، طبعاً كررررت زوجتي هاك الضحكة اللي هزت أرجاء شقتنا و تسببت في زيادة الشلوخ بالجدار وطاحت الملابس للي بالدولاب
قلت خير وش يضحكتس ،
قالت الحمل ما يجي من الباب للطاقة ، الحمل له مقدمات قلت همانا وش اسمه كل يوم نرقد سوى قالت ما أقصد هذا يالدلخ أقصد إنه إذا صار حمل يصير عندي أشياء تتأخر و كذا و أبعلمك

>>>>>>> ( إلا اليوم مدري وش تقصد)

مرت الأيام و حنا على هالحالة أنا ما فهمت قصدها و ما غير أتمقل و أتفحص في كرشتها إلين جا يوم من الأيام و قالت لي أبشرك يمكن أصير حامل أنا من سمعت هالكلمة و أنا أناقز من الفرح لين طق راسي في المروحة بس أبشكركم جت سليمة ما خربت المروحة قلت بشري ولد و إلا بنت قالت تو الناس خل نتأكد فيه حمل و إلا لا و بعدين يصير خير ، قلت طيب وشلون نتأكد >>>>>>>(صحيح إني رومنسي بس الصراحة أنا أعترف إني دلخ)

قالت لي فيه في الصيدلية جهاز لكشف الحمل نقدر نسوي الفحص في البيت و بسرعة يقولون النتيجة تطلع في ثواني، قلت يالله وش تحترين مشينا ... و ألبس ثوبي و تلبس زوجتي عباتها و ننقز للصيدلية ، عاد ما كان حول بيتنا صيدلية قريبة و رحت أدور و ألف على صيدلية في أقرب حي

وصلنا الصيدلية و طبعاً ما حصلت موقف >>>>>>> (مدري ليش الصيدليات دايم عندها زحمة ، ظنكم كلهم يشترون جهاز كشف الحمل )
يوم مالقيت موقف تصرفت التصرف اللي يسويه أي شاب سعودي وسيم >>> (وش دخل الوسامة )
يعني بالعربي وقفت ورا السيارات اللي واقفه او ما يسمى وقوف مزدوج بس أنا غير باقي الشباب يعني ما وقفت ونزلت وبس لا أنا إنسان متحضر و مثقف علشان كذا ولعت الفليشر و خليت السيارة تشتغل علشان زوجتي تتبرد بالمكيف

دخلت على الصيدلي و سئلته عندك جهاز كشف الحمل ، قال لي آه يا فندم موقود ، قلت أبي لي واحد ضروري بس يكون 220 فولت قال لي لا ياباشا دا موش محتاق لا كهربا و لا بطارية ، قلت له إزاي يا وشسمك ، قال دا المدام بتعمل بيبيه عليه و لو طلع خط واحد يبقا مافيش حمل و لو خطين يبقا فيه حمل إن شاء الله ، عاد شرهتكم على اللي فهم وش يقصد بالببيه بس قلت أكيد فيه تعليمات و زوجتي بتعرف له و إلا تسئل حدا خواتها

و أحاسب الصيدلي بسرعة حتى الكاشف طلع بخمسة و عشرين و عطيته خمسين و قلت له خل الباقي لك >>>>> (مدري وش هالكرم الحاتمي اللي نزل علي فجأه كله من فرحة الببيه قصدي البيبي) ،
و أطلع و أنا أهوجس و أفكر طيب لو طلع ثلاث خطوط وش يصير يعني توأم و إذا طلع أربعة خطوط يعني 3 عيال ، و أمشي و أنا أهوجس ، طيب الخط يتغير لونه حسب الجنس يعني لو ولد مثلاً يصير أزرق و إذا بنت يصير زهري و أتخيل لو كان توأم بنت وولد يطلع خطين واحد أزرق وواحد زهري و المصيبة لو طلع خطين متلاصقين ( >>>>>>>>> يبي لنا الدكتور الربيعة في ذا الحالة
و ما غير في هالهواجيس حتى أسمع بواري ( كانت زوجتي تضرب بواري تبي تنبهني لكن أنا مع الهواجيس ما جبت خبر) و أنا أمشي و لا ألتفت صاير كني ولد(ن) ماخذ(ن) شهادة تقدير من المدرسة و يمشي و لا يدري وينهو رايح من الفرحة قمت أهوجس بالولد وش يبي يصير مهندس و إلا طيار و إلا ضابط و إلا مدرس و إلا دكتور و إلا صايع ضايع ... لا لا مابيه صايع ضايع أبيه يصير لاعب كورة و يلعب في المنتخب و يجيب كأس العالم >>>>> (يازين أحلام اليقظة)

و أنا أمشي و أهوجس فجأة تنبهت إني عند مسجد و العصر يأذن http://tubok.net/vb/images/smilies/gp01.gif وش جاب العصر أذكر إني رايح للصيدلية عقب صلاة الظهر و أجي أبشوف كم الساعة و إلا جوالي مهوب معي لأني تاركه في السيارة و مامعي ساعة يد ايه صح صح تذكرت حرمتي في السيارة عند الصيدلية لازم أرجع بسرعة و إلا و الله إن تمردغني

و أجي أبرجع للصيدلية و لا أدري وين الصيدلية فيه و لا وين أنا فيه أصلن لا حول و لا قوة إلا بالله حتى اسم الصيدلية أو الشارع ما أعرفه و أبدا أدور و ألف و أدور من شارع في شارع و قلبي يدق بسرعة خايفن من غضب زوجتي و أنا أمشي لقيت مجموعة شباب واقفين عند باب بيتهم سئلتهم وين الصيدلية معه ، قالو خير وش تبي بالصيدلية (بدت لقافة ربعنا) قلت لا أبد بس نسيت سيارتي عند الصيدلية و ما عاد أدري وينها فيه اللي يقول منا و اللي يقول مناك يعني بدال مايساعدوني ضيعوني أكثر عاد أنا خذت وصف واحد منهم مشيت عليه لقيت مستشفى قلت فرصة أدخل و أتبرد و أشوف موظفات الاستقبال و الممرضات (لا تفهموني غلط أبي أسئلهم عن مكان الصيدلية بحكم خبرتهم في الأمور الطبية) دخلت المستشفى عينت من الله خير (راعي طويلة ) و جلست في دكتور كيف اللي بالمستشفى و خذت لي كابتشينو و موية عشان مخي يشتغل قلت مالي إلا أشتري وردة من محل الورود علشان أعطيها زوجتي كود ما تمردغني مثل أخت كريم و زوجها في عيال قرية و شريت من صيدلية المستشفى مطهر جروح و لزقات و كريم للرضوض إحتياط لا يجيني شي من الطق

طلعت من المستشفى و إلا الدنيا بدت تظلم و صرنا مسيان http://tubok.net/vb/images/smilies/gp01.gif و أنا مغير أدور في هالشوارع قلت فرصة أنا أتذكر إني مخلي الفليشر شغال في سيارتي يعني أبشوف الفليشر من بعيد وصرت مغير طردي ورا هالسيارات اللي مشغلة الفليشر اللي يشوفني يتذكر توم و هو يلاحق جيري علطول عقب هالطردي طحت من التعب و ما عاد قدرت أمشي جلست على الرصيف و معي الكيس الأول و فيه كاشف الحمل و الكيس الثاني فيه لزقات و أدوية الجروح و اليد الثانية فيها الوردة و أنا جالس و أنتبه إن كيس الصيدلية فيه اسم الصيدلية و تلفونهم (الله من الدلاخة توك تشغل مخك) قلت بوقف أول سيارة و بطلب منه الجوال أكلم الصيدلية أسئلهم وين مكانهم و تجي سيارة تشبه سيارتي و مشغل الفليشر بعد و اقوم كني مقروص أبلحق أوقف هالسيارة علشان أكلم الصيدلية و إلا السيارة رقمها نفس رقم سيارتي ( د ل خ 0001) غريبة لا يكون أحد سرق سيارتي بس و أفتح عيوني زين و أفركهن عشان أشوف زين ... أثرها زوجتي ركبت السيارة و بدت تدورني >>>>>(تحبني فديتها ) و يوم وقفت شفت الشرر يتطاير من عيونها و أنا افاجئها بالوردة الحمراء و يحمر وجها خجل و تستانس و تسامحني و تقول أركب مشينا للبيت وصلنا البيت و أنا متفاجىء كيف هالوردة مفعولها سحري و وشلون خلت زوجتي تسامحني و لا تقول و لا كلمة



وللحديث بقيه

[عشقي برونزية]

تحررررررررررررررررررررررررونا نهبد بهذا المنتدى ونرجد مايبوح به القلم >>>> ( يبوح ) يقراها بالردود

افغص وتسمع
http://www.ozq8.com/song-20818.ram

[احساس بنووته]

ههههههههههههههههههههههههههههه اما مذكراتك ياعشقي

خطيره الله يفشلك نسيت حرمتك هههههههههههههههههههه

عليك مواقف انما ايييه ههههههههههههههههههههههههه

انتظر مذكراتك

[عشقي برونزية]

ولله انى منبه ان محدن يدخل هنا ويقعد يتميلح قدامى

ومن هذا المنبر اطالب الاداره بمسح المشاركه للي فوقى لاني متعقد من طولى
اه اه اه اه يايالطول زينك زيناه
كل الناس فوقى مافيه احد بهالدنيا تحتي او اقصر منى
قزززززززززم قززززززززززززم هالكلمة تعبت منها من كثر مانى قزم وذكرتونى بحسرة احسها بالقلب وعبره اغص فيها >>> غاص بقطعه طرشى


ابقولكم قصتي انا والطول






ثمة أمراً غريب..!! ماهذا الكائن الغريب؟! .. عجبي..!! اهو انسان؟!





هذي الكلمات نطقت بها الممرضه الفلبينيه اول ماشافتني .. ومن يومها وانا داري اني عاهه اللهم ياكافي .. يعني فلبينيه تقول عني كذا وش خلت لرجال باقي الدول؟! .. من يوم سمعت كلامها وانا داري ان عمري بيآصل 21 .. وللحين اركب سيسي .. للحين ادخل ملاهي الروضه مع امي وخواتي .. للحين شغالتنا تدخل معي للحمام .. للحين اركب سيكل ابوثلاث كفرات .. للحين اركب ورى مع السواق .. للحين ألبس ثياب الدفه .. للحين ما اعرف شي اسمه مقوصر .. للحين اختي الكبيره تنقي لي ملابسي .. للحين ابوي يشيلني ويحطني على فراشي إذا نمت بالسياره .. للحين الشغالة تربط جزمتي .. للحين آخذ معي خبزة جبن وعصير الربيع حتى وأنا بالجامعه .. للحين ابوي يسكتني بريالين إذا زعلت .. للحين امي تقولي متى تكبر واشوفك رجال .. للحين شغالتنا تنام معي بنفس الغرفه .. للحين للحين للحين للحين .. طبعاً تطول اللحينات لين بكره .. أن عانيت في حياتي وما زلت أعاني .. فمثلاً البارح كنت رايح الصبحية لغرناطة اشتري جزمة " الله يكرمكم " .. فدخلت مع البوابة متجه لمحل ( ألدو ) .. وأنا في طريقي للمحل .. فجأة مسك يدي السكيورتي .. وقالي وش أسمك ياحبيبي؟! .. الشهادة لله لوهله أنا شكيت انه يبيني في شي شين .. لكن سرعان ماتذكرت اني عفط .. فسميت بالله عليه عشان يبعد .. لكن ظل الرجال يبربر .. أنت جاي مع بابا؟! .. ولا جاي مع ماما؟! .. وأنا ابي اسحب يدي من يده لكن حيل الله اقوى .. شوي خذاني لغرفة الأمن وياليت محد يسميها قسم الأمن .. لأن هذا موضوعي وأنا حر بالي اكتبه(ينافخ القزم ) .. شوي ويقعد ينادي بالمكرفونات .. يوجد بقسم الأمن طفل تائه <- يقصد غرفة الأمن .. المواصفات شين وشكل أهله متقصدين يضيعونه .. فقع خوية الي جنبه ضحك .. قال شكلك قلت ان اهله متقصدين يضيعونه عشان يعرفون انفسهم على طول .. خطمت عليهم واقعد احلف لهم اني انسان واعي لما يدور حولي ومنيب ضايع .. وبعد اخذ ورد .. اقتنعوا اني بالغ وكبير وفي الحقيقة ماهضموا الأولى .. لكن زي ماقلت موضوعي وأنا حر .. اعتذروا مني ورحت في حال سبيلي للعودة للمحل الي ابي اروح له .. ما ان دخلت المحل .. إلا ويخطم علي الهندي مافيه جزم ولادي .. واسفهه واقعد ادور لي جزمه وهو جنبي .. يحلف ان لوفيه مقاسي في ذا المحل .. انه يترك الشغل .. عقب الحلف اقتنعت انه صادق .. طلعت من المحل وأنا اجرجر رجولي .. وابكي بحسرة على حالي .. وكل الي يمر على بالي تلك الأثناء .. جموع من ربعي رايحين لنفس المحل وقايسين كل الجزم الي فيه " الله يكرمكم " .. ويقولون ياصديق هذا جزمه ضيق .. ويزيد بكائي ونحيبي .. وأنا مغير اتعبر واكتم الصرخات والطعون الي تأتي ورى بعضها .. كنها حبوب سبحه منقطعه .. لأني وأنا طالع من المحل .. إلا ويجيني هندي يشيل بلونات يقولي ابغى بلونه؟! .. انا جيب اثنين بخمس ريال .. وصديت عنه متجه لسيارتي(ادري انكم منتم مقتنعين ان معي سيارة .. بس تكفون حاولوا ) .. وأنا في طريقي إلا العودة إلا سيارتي إلا وامر من عند محل نسائي وينتق علي بزر طالع من المحل .. ومعه كورة هوا .. يقولي خل نلعب مع بعض <- والله ياذي جامده .. هذيك اللحظه كنت اتمنى ان امي ماولدتني .. عفوا كنت اتمنى اني ماطلعت نفره في يد امي .. وقشعتني وحطتني بمويه دافية يومين .. لين كبرت .. كم تمنيت اني اكون طفل سوي .. افرح إذا قالت امي كما باقي الأمهات .. ياوليدي أنا احبك .. وشلون ما احبك وانت طالع من هالبطن؟! .. في الحقيقة أخواني انا من عرفت نفسي وأستوعبت اني قزم .. وأنا اتمنى ان امي مانفرت بي <- .. تحملوا مصالتي رجائن .. فمازلت انتحب واتحسر على مجد تليد .. نعم مجد تليد .. مجد ابوي وعماني واجدادي .. أنا عار على العائلة .. كلهم عمالقه إلا أنا .. حتى أني قلت لأبوي ذات ليلة .. يبه ليه أنا من بدكم قزم .. قالي ياقزم كل تبن تراك جاي بالغلط وبدون نفس .. عشان كذا طلع فيك خلل .. قلت له وشلون .. قال الظاهر ذيك الليلة امك كانت على جريف .. وما أن لامست يدها .. إلا وخرجت أنت للعالم الخارجي .. اللهم إني استغفرك واتوب إليك <- فكر بالإنتحار وهو يكتب الموضوع .. هذي بعض الأمور الي تحدث معي .. وما خفي كان اعظم .. لكن اذكر ذات ليلة كنت طالع مع عدد من الزملاء وكنا نتسامر .. وفجأة نتقت عليهم وقلت لهم ياعيال ورى مانسافر لكوريا؟! .. ولا هونج كونج؟! .. قالو لا يارجال مالها داعي نضيعك بين ذا القزمان .. همن وش يفكنا من امك؟! .. خنقتني العبره بشدة .. إذ اني اقترحت عليهم تلكم الدولتين .. عشان مايزلق علي واحد منهم بمثل هالمصاله .. لكن عمري ما تخيلت اني اقصر من الكوريين والهونج كونجيين بعد .. خويي بذيك الكلمة .. هدم اغلى حلم كان عندي .. الحلم الي كان يخليني اتحمس وانا ادرس .. يعني قسم بايخ مثل السياسة .. وش يخليك تتحمس وانت تدرس فيه؟! .. الإنسان السوي مايدخل هالقسم ابد .. انا دخلته عشان اوصل للحلم .. حلمي كان اني اتخرج وترسلني الداخلية اشتغل في سفارتنا هناك .. واستمتع بالذب على الكوريين والهونج كونجيين .. ولكن انهدم الحلم .. كأنهدام السد العالي الي بمصر لو تجيه قنبلة من إسرائيل .. انتم تخيلوا الفوضى الي بتصير تلك اللحظة .. كل هذه الفوضى سجلت دخول في قلبي .. واصبحت من المتواجدين الآن .. والي بيزلق ويقول ياعشقي البرونزيات طيب بالنسبة للمويه الي بتحوس مصر باسباب انهدام السد العالي .. وشلون نلقاك ؟! .. احب اقوله عيوني ذرفت دموعاً ودماً .. واصبحت ممزق الأشلاء .. هل تخيلتم معاناتي؟! .. صدقوني معاناتي لم تقف عند هذا الحد .. ولن تقف عند أي حد .. فشخص مثلي يتألم من مجرد .. خروجه للشارع .. من مجرد اختلاطه بالناس ..

[ابو عطش]

يا ادمي وربي اني فاطس عليك من الضحك ربي يسعدك دنيا واخره يارب

[نواف]

عويشيق التكرونيات


حذاررررى تغلط على احد ولله يالباند انه بين عويناتك الحولا
وكم مرة ادخل ملفك ابغا .... لكن ارحمك اقول خبيل خلة يكتب دامه مايبعد عن صفحة فهاوته

المهم

لايجي احد يشتكي منك تراني بوديك لابوك .. وقبلها بترك بوح قلم عقالي يبدع علي ظهرك

يادلخ >>>>>> شطح

[عشقي برونزية]

اددددددددددددددددددددددددددددد بج ...... عدنا


شسمه

وش ذا ؟

همانى ماقلت لاحد يجي فيذا




ابوعطش ماحدن يقربه ( سياسة ) ويمون على نواف


نواف ( اسفهه ) واتحداك تطردنى وانا ماغلطت انا ببيت الحكومه


احساس بنتوتة دامها بنت خلوها تدخل بكيفها ( واحد واثق و سعبيله تقاطر ) عمره ماشاف بنات

شسمه
بما ان الربع والربايع انواع واخاف اغلط بسدح المواضيع فيذا قلت ماهم بااطيب مني يسووون مواضيع ويشتهرون ويصيرون اغنياء وانا للحين اكاسر الهندي على عصير راني فقلت اكتب مثلهم يااما غناة الذيب والا فقره ( حاس اني ابنطرد )

الموهم فكرت اكتب بعض خثرقتي واستخرت وصليت ركعتين حسيت نفسي ارتاحت << بتعرس والا بتكتب موضوع

بصراحه قبل ابدا بالخثرقه وانا افكر وش اكتب ؟؟؟؟ مالقيت موضوع
وانا اقوم وادخل القلم بخشمى وافركه فركتين وحسيت انى تمخمخت وجانى الالهام وفيه كلام يقرقع بقلبي قلت اقوله لكم قربو ياحبايبي بقولكم والله انكم اكوس ناس عرفتهم ( خايف من الباند )

وحبوبين صحيح الدلاخه ماخذه حقها منكم بس هي اللي محليتكم << يمديها ترقيعه بس كلكم حبايبي
ان شاء الله تدوم المعزه بيننا والالفه و..و..و الخ قولو آآآآمين ...



تصدقون يوم جيت اكتب عن المواقف اللي صارت لي جلست اقلب راسي ياعشقشق وش بتكتب لاتكتب شي يحطمونك

بس اني تذكرت ان وجهي مغسول بمرقه يعني مافيه امل اتحطم او يطيح بوجهي يعني تنكه وش ترجون من وراي

خذو هذا هالمذكرة رقم ( ولله مدرى ) اللي صار لي بالحكير فديتها وفديت بناتها خصوصا لركبو الرفيعه ( هذا اسم لعبه ) مشوها يرحم ابوكم
وطارت الغطاوى وكثر الصياح وراحت النعومه والدلع وطلعت الوجيه للى اكتشفت انى احلا منهم ( تصدقون انى احلا من البنات للى شفتهم )ولله انى صادق

الخلاصه ومن الاخر

الساعه 4 العصر بعز نومي غارق بسعابيلي قصدي احلامي الرومنصيه الا الباب ينفتح برفسه مع صرخه من النوع الفريد بالافلام المرعبه

الا انا واقف عند الشماعه وعيوني مطايير اطالع الا امي قلت وش فيتس اسم الله عليتس داخله علي تقولين مداهمة مكافحة مخدرات
قالت لا بس قم يالسربوت ودني السوق لو انه واحد من السمرمد اللي مدشرينك وديته لبيته لو انه في الرياض وانا لي اسبوع اطلبك توديني السوق واعطيها ربع ابتسامه
مع
نظره خطافيه واجي جنبها واصكها على رقبتها قلت الله يرجتس يومه والله يوم دخلتي علي احسب ابوي مصفقتس

ومفقوع وجهتس اثاري الدعوا سوق عوافي ابشري ماطلبتي شي خلي الخدامه تجهز غداي وانا بتسبح وبجيتس

كم ام عندي ماعندي الا ثلاث وحده ماتت ووحده ضاعت ماباقي الا انتي لبى هالخديدات وذيك القرصه عليهن ...
وتسبحت ... وتغديت .. ورحنا السوق للى هو تبوك سلنتح ... اسف تبوك سنتر

طبعا اول مااجي السوق اخذ لفه اكحل عيني جعل الرمد يخطيها المهم تعبت تورمت رجلي من المشي وامي وخويتي الصغنطوطه ياطب فيهم نشاط ( عاد امي دبه ) لكن بالسوق تقول غزال


حسيت انهن يمشون على بنزين وانا على ديزل
وقفت وقفت رجلن واحد وصحت بعالى الصوت وقلت بروح للسياره اتمغط وامدد رجيلتي
قالت
العجوز تقلع وخلك بالسياره الين نجيك قلت خلي عني تقلع
الحساب يادبه حق توصيلكم للسوق ولاتنسين البخشيش << قلبها مشاوير خاصه
المهم عطتني خمسين ريال بعد مافركتها بااصابعها الين انمسح عقال الملك فهد تقول كود فيه خمسين ثانيه لاصقه فيها << تفكير عجايز

جلست بالسياره دوبني رفعت نظري الا هاك المطفوقه جايه تمشي الفين وتوجهي للسياره واركبي جنبي انا فتحت فمي

تبنجت ماقدرت اتكلم وتطالع فيني قالت بسرعة قلى رقمك بسرعه يالخبل
اقول لها ليه
تقول بعدين اعلمك
ومن دلاختى قلته وهى كتبته بجوالها وضغطت على زر اتصال ( انحفظ )
وطقتها صيحه وسبتنى وانا اطقها صيحه << يسمع بالمثل اللي يقول (انطح الصياح بالصياح تسلم )

وهي تفتح الباب وتطبح من السياره الا يوم جا رجال يمشى مع زوجته جنب سيارتى ويمسكنى يقولها وش فيه يابنت
قالت مااعرفه
قالها وين اهلك
قالت مدرى
قال تبى تشيل بنت الناس يا...... وغلط عليه
وقام طلع جواله يبى يتصل بالشرطه مدرى الهيئه مدرى بمجلس الورزاء
وكالعاده تجمعو كم واحد كانو مارين ( ياحبهم للفرجه والشماته )
وانا اصايح ياجماعة يالربع لاتفهمون غلط والله انها زحلطن مدري من وين طلعت لي وركبت
وانواع السب والشتم والجولالات للى طلعت من المخابى وكلن يبى يتصل على جهة حكوميه تجي تاخذنى

وانا اصايح واقول اسئلوها ولله ماعرفها

و يطلع ذاك الواحد من بين الجموع الغفيرة ويقولها وش فيها
طلع اخوها
وفكني من اللي عندي للى ناوين يجلدوني الين يجلدون الارض من تحتي
وقال لهم ياناس كلن يروح لحاله يالله يالله
البنت مطفوقه والسيارات تشابه ولا صار الا الخير
وجانى وقال لو سمحت جوال اختي بالسياره من
الربشه والدباشه نطلته
والحمدلله تثبت براءتي


هذا احد المواقف اللي مرت علي بمسيرة حياتي الحافله

ودمتم بخير


شطحه

والله ياعليها عيون اللي ركبت معي خاقوقه

[عشقي برونزية]

قبل مااروح

اطالب بمسح الردود بدون استثناء

مع هذا

[ضاربه فيوزها]

بالله وش تقرب لك مريم نور....<<<~~ كل يوم حلقه...http://tubok.net/vb/images/icons/icon10.gif
ياخي تشرب ريد بول...او اخوه بايسن...
ياشيخ عندي دواء لك ومايحتاج تروح لم السقاف...
اشطف اي بقاله وقول لهم....(ممكن نبيذ بنكهة الشعير)...http://tubok.net/vb/images/icons/icon10.gif
ياخي شكلك ماتراجع مواضيعك مير احس انك من دون ماتحس تنغز
(إضافه موضوع جديد):wink:
وربي حسستني كأنك مدفع رمضان مشحون ع 200.....
(ايقظت الثقلين الانس والجن)..:sm179:.
ريح دميجتك لاهنت....عطها بريكات وخل عنك اوفر تايم...http://tubok.net/vb/images/icons/icon10.gif
بس مااخفيك ياهذا عجبنن هـ المذكرات المسطوله بالغباء والمكوكمه بالدهــــــاء...http://tubok.net/vb/images/icons/icon10.gif
ياعشقه تكرونيه...دربك متفحم دومـــــــــآ....

ولي عوده اسدح لك الاقتباسات..وكل ابو شيء...وانشر الغسيل فيذا...
وش رايك؟؟؟http://tubok.net/vb/images/icons/icon10.gif
نمستــــــــــــي.....

[عشقي برونزية]

http://upload.traidnt.net/upfiles/tnC95642.gif





سلام كلكم


تخبرون الزاجات قربن والتجيهزااات والخراابيط حقت الحرييم http://tubok.net/vb/images/smilies/biggrin.gif وااجد ولاااا تخلص
>>>>>>>>>>>> اليوم جايبن فيسات تفسفس فيذا

ومنها تفزع لى ببعض التعبيرات الوجيهيه >>> جتك اللغه




المهم عمتى ( لبى قلبها ) ام عروسى الدبيبه لها فتره وكل ماحضرت زواج وحنا راجعين أول مانمشي تقعد تقييم مستوى الطقاقه >>>>> مثل الدب للى بشاعر المليون

وكيف آدائها وصوتها http://tubok.net/vb/images/smilies/biggrin.gifhttp://tubok.net/vb/images/smilies/biggrin.gif وهل تصلح علشان نآخذها في زواجي انا وبنتها >>> متمرد

وكل شوي جايبين لناا رقم جديد لطقاقه وندق عليه على اساس نتفق معهاا بس للأسف

في نهاية المكالمه نتهاوش معهااا

عااد فيه طقاقه يقالهاا أم محمد هذي الله يحفظكم .. يقولون انهاا تطق طق ماهو

صااحي . يخلي اللي مافيها زااار يجيها زاااارين ،، المهم يقولون أن اللي تسمع طقهاا

تقووم تردح وتروح للبيت وهى تقامز ( قوم درجنى وامش قدامى ) لين ماعااد يبقى فيهاا حيييل علشاان تسري على طريق الجهرا تبيع قضوم ..

المهم
قلت ياعمه عطيني رقمهاا

وخليني أتفااهم معهااhttp://tubok.net/vb/images/smilies/biggrin.gif

ياعمه أنتي كل ماكلمتي وحده من الطقاقات تهاوشتي معهااا http://tubok.net/vb/images/smilies/biggrin.gif..انتى ماعنتدس اسلوب حضارى المهم دقيت من جوالي

المميز اللي بدايته 05http://tubok.net/vb/images/smilies/biggrin.gif >>>>>>> وجع تبون نواف يطردنى

عااد ردت أم محمد ، اللي هي المطربه حقتهم والله ياعليهاا صووت تقوول

صووت جورج وسوف http://tubok.net/vb/images/smilies/biggrin.gifhttp://tubok.net/vb/images/smilies/biggrin.gif،، المهم قلت أم محمد مساء الخير قالت مساء النور قلت كيفك خيتو

<<
يكتب بمنتديات

حسيت اني بديت اغازلهاا http://tubok.net/vb/images/smilies/biggrin.gif.. المهم قلت أنا زواجي بإذن الله في كذا وتاريخ كذا ونبي حضوركhttp://tubok.net/vb/images/smilies/biggrin.gif قالت

وشلون يعني عزيمه ولا حضوري علشان اطق http://tubok.net/vb/images/smilies/biggrin.gif.. قلت لا عزيمه بسhttp://tubok.net/vb/images/smilies/biggrin.gif وإلاّ الطق حنا جايبين

نانسي بنت عجرم و حليمه بولندhttp://tubok.net/vb/images/smilies/biggrin.gifhttp://tubok.net/vb/images/smilies/biggrin.gif .. << الأخيره جت بالغلط ..

المهم قلت : أيه نبيك تطقين عند الحريمhttp://tubok.net/vb/images/smilies/biggrin.gif ضحكت ضحكة شريره وقالت أكيد عند الحريم قلت أجل عند الرياجيل
>> ادرى لو بكيفها سوتها

..<< قلت : لعمتى بجنبي طقاقتكم تنكت ودلخت

وانتى ياعمه معطتني رقم طقاقه ولا رقم أخت عادل إمام تنكت معي

.. << مايعرف أسماء ممثلات ..غير نانسي جعرم

المهم قلت ياأم محمد قولي لا إله إلا الله قالت محمد رسوول الله .. قلت يابنت

الحلال >>>> الحين مدحتها يوم قلت بنت

مو اللحين الزواج بااقي عليه شوي لية ما لاتلالين من اللحينhttp://tubok.net/vb/images/smilies/biggrin.gifhttp://tubok.net/vb/images/smilies/biggrin.gif وتصخينين ادياتس..

وأخذ وعطى مع ام محمد شووي قاالت شووف والله أني ماأطلع إلا ب8 آلاف بس علشانك بطلع بـ7 http://tubok.net/vb/images/smilies/biggrin.gif
صارت >>>> سهرة خخخخخخخخخخخخخ http://tubok.net/vb/images/smilies/biggrin.gif

قمزت عمتى وقالت : ليش تقول علشانك هي تعرفك قبل شكت انى من اهل الذيول للى تلف وخافت على بنتها تحطم بعدين http://tubok.net/vb/images/smilies/biggrin.gif

قلت : ولا وشلون http://tubok.net/vb/images/smilies/biggrin.gif

ونطت مرتن ثانية عقب ماتلافت موضوع الذيول وقالت :اسألها كم معها وحده

يطقن http://tubok.net/vb/images/smilies/biggrin.gif سألتها قالت 7 يطقن وانا أغنيhttp://tubok.net/vb/images/smilies/biggrin.gif .. قلت زين قالت تبون موسيقى وقيتار http://tubok.net/vb/images/smilies/biggrin.gifhttp://tubok.net/vb/images/smilies/biggrin.gif

قلت لا نبي عود ومرواسhttp://tubok.net/vb/images/smilies/biggrin.gifhttp://tubok.net/vb/images/smilies/biggrin.gif ..،، .. المهم قلت خلاااص توكلناا على الله ..

قالت خلاص أنا برسل السواااق للمكان اللي تبي بس ترى الفلوس كااش قلت أجل تأجير منتهي

بالتملكhttp://tubok.net/vb/images/smilies/biggrin.gifhttp://tubok.net/vb/images/smilies/biggrin.gif أيه بنعطيكي كااش http://tubok.net/vb/images/smilies/biggrin.gif ..

قالت أيه بس أنا آخذ فلوسي كلها من اللحين مو وقت العرسhttp://tubok.net/vb/images/smilies/biggrin.gif .. قلت وشلون يعني مايكفيك

عربونhttp://tubok.net/vb/images/smilies/biggrin.gif قالت لاوالله هذا نظامي اسمح لي http://tubok.net/vb/images/smilies/biggrin.gif<< وش عندتس يالنظام الدولي http://tubok.net/vb/images/smilies/biggrin.gif.. قلت يابنت

الحلال ترى دايم يقولون لي كلمتك عربون http://tubok.net/vb/images/smilies/biggrin.gif<< بدا يمدح نفسه http://tubok.net/vb/images/smilies/biggrin.gif

،، بس أنا علشانك ماتعرفيني

بعطيكي عربون مافيه مشكلهhttp://tubok.net/vb/images/smilies/biggrin.gifhttp://tubok.net/vb/images/smilies/biggrin.gif

قالت لا أسمح لي لازم كامل المبلغhttp://tubok.net/vb/images/smilies/biggrin.gif .. أطالع في عمتى بجنبي قلت وش رايتس نعطيهاا كااش ؟؟

قامت العمة المصون تهز يدهاا http://tubok.net/vb/images/smilies/biggrin.gif وتقوول لالالالالا قلهاا ترى لاقين طقاقه ثانيه وماتآخذ حقها إلا بعد ماتخلص حتى عربون ماتبي http://tubok.net/vb/images/smilies/biggrin.gif << العمة تحسب أن هالأسلوب بيقنع هالطقاقهhttp://tubok.net/vb/images/smilies/biggrin.gif

<<<< قلت لهاا نفس ماقالت العمه

قالت الطقاقة : وش أسمهاا طقاقتكم ذي اللي ماتبي عربون http://tubok.net/vb/images/smilies/biggrin.gif..وتاخذ فلوسها بعدين

صرفت لها اسم من رااسي قلت أسمهاا أم شافيhttp://tubok.net/vb/images/smilies/biggrin.gifhttp://tubok.net/vb/images/smilies/biggrin.gif << على اسم ام واحد من اخوياي

.. قالت خلااص خلك أنت وعمتك على طقاقتك أم شافيhttp://tubok.net/vb/images/smilies/biggrin.gifhttp://tubok.net/vb/images/smilies/biggrin.gif وشوي إلا أنا أسمع صوت طوط

طوطhttp://tubok.net/vb/images/smilies/biggrin.gifhttp://tubok.net/vb/images/smilies/biggrin.gif .. وقفلت بوجهى

وأطالع في بعمتى قلت خلاااص لاعاااد تقولين نبي نجيب طقاقهhttp://tubok.net/vb/images/smilies/biggrin.gif

أنا بجيب لكم الفورد <<

سيارتي
وبحطه لكم في بحوش صاله العرس وبشغل لكم كم شريط عندي

وسلامتكم .. http://tubok.net/vb/images/smilies/biggrin.gif

[عشقي برونزية]

انى ارى ردودا قد اينعت وحان على نوافوه حذفها


ولله لو قايل ردو مارديتو >>>>>>>>>> مال الوجع

[نواف]

شباب
بنوتات
جايب لكم لعبة رررروعة

للي يعد من واحد لخمسة لة بوسه


يالله انا اول واحد



1111111111111

































كيفي >>>> سافهنى هاه

[عشقي برونزية]

الحياة مليانه مطبات وطعوس وعقبات وانا لازمن اتجاوزهن



2222222

[ضاربه فيوزها]

اشوا الحمدلله منفوحة تطورت...
وصرنـــــــا ناخذ بريكات....(كفس على خمسه اريل لآخذك بالنصيحه)...
يانواف كان قلت عضو تتمنى اعطاءه بقساآأإت وكوذيه..http://www.mal7aq.com/smiles/smilies2/9%27hk_w_frfsh/grabbounce.gif...
بس المره الجايه..http://www.mal7aq.com/smiles/smilies2/9%27hk_w_frfsh/harhar.gif...

رقم ثري.......

نمستـــــــي...

[نواف]

444444444444

[عشقي برونزية]

خمسسسسسسسسسسسة




جيب البوسه يانواف

[عشقي برونزية]

ترانى ماازعل يانواف انت ومنكوشه منفوشه

واحب امزح معاكم ومبسوط معاكم يالدبب


لكن الله لايهينك تمسح خثاريقكك انت وهالدبه من صفحتى

[دموع الذكريات]

متاااااابعه

وفاطستن ضحك لوووووووووولوووووووو

[احساس بنووته]

عشقي مره لقيت ورقه طايحه مدري قلت لازم يااحساس تحطينها هنيا يمكن صاحبها قريب
اسمع عنوانها (( حبيبتي .... اين ...طسيتي...خاطره رومنسيه ))
وهذي هي باللي فيها نقلتها حرف حرف ماتعرف صاحبها ؟؟؟؟

حبيبـتي
حبيبــــــتي أين طســـــــــــــــــيتي .؟؟

لقد احتريتك كثيرا ولم استطع النوم

قد تقولين ...... لأنك مقيّـل

قد تقولين ...... لأنك شاربن شاهي

قد تقولين ... لأنك حاطن اصبعك باذانك وتدغدغها

قد تقولين وتقولين وانا صامت

واقول في نفسي الى متى هذا التزليـب.؟

سيدتى الجميله

ني مشتاق ... واضناني الفراق ... ا

أرأيتى شوق الديك للشروق

أرأيتي شوق الحريم للسوق

أرأيتي شوق ابوي للمرقوق

ما يخالجني أعظـم

حبيبتي



كفاك لعباً مع البزارين سأشتري لك ما تريدين

إن أردتـي حلاوو بقرة فهو لك ان اردتي بكله فهي لك

ان اردتي ان نذهب لملاهي الربوه فلنذهب

تذكري لن تلعبي باكثر من خمستي ريالاتن وتخب عليك

سوف اشدو بنغمات حبك اول مااصحى من النوم

ولن يغيب عني طيفك حتى وانا اكد بشنبي عند الحلاق

حبيبتي

حبي دائما يردعكي ويقولو لكي : كم قلت لك لاتطلعين وانتي متعطره وجعععععع

اجل اجل .. انه الحب الاعمى ..

انه حب ... كقطيع وسرب من البعارين وهي تغرد

انه حب .. كحثالة قمل مجتمعين ويشربون شاهي

انه حب ..كزهره متنـتفه ماسكها بنقالي معوق

اجل اجل

هذا هو طعم الحب الحقيقي .. لما تفك ماحتسـك

هذا هو نكهه الشجن وهو يزقزق بقلبي

اشعر بغثيان

اشعر بكحه

اشعر بعطستن ناشبة بخشمي

اشعر بذلك الشي اللي ماادري كيف اعبر عنه

كل هذا اشعر به عندما ارى براطمها السود امامي ..

كيف لا ..؟ وهي مميزه كتلك القطرة الاخيره المتصبصبه من قوطي صلصة ..

كيف لا ..؟ وهي نادرة الوجود كتلك التفاحة التي يتقاتل عليها شلة صعايدة ..

كيف لا .. ؟ وهي كأسوارة مرصعة بالفضة بلعها افغاني يحسبها بسكويت ..

كيف لا ..؟ وهي ثمينتون عندي كسلسال ذهبن يتدلى على عنق نعامة ..

حبيبتي

اين طســيتي .؟

لماذا تظفين وجهك الحلزوني وتتركيني وحيدن اقارع طبول الزمن ؟؟

سوف العب بشباصاتك وانتظر مجيئك

سوف ارتب ملصقات السن توب على دولابك المليء بالقوارض

سوف اشتري غسالة جديدة

سوف افعل ماتريدين ..

ولكن ارجوكي فلترجعي

فالشوق دبغـــــني...

واللهفة مردغــتني..

ارجوكي ارجعي

ارجعي


بالله عليك مو صاحبها دااااااااااااااااااااج دجه بالحب وذابحه بعد خخخخخخخخخخخخ

[عشقي برونزية]

من عرفتها وصدقتها وحبيتها وصارت اعز الناس رااااااااااااااحت ؟ وين مدرى

لو تكذب علي ابيها لو تجرحني ابيها

[عشقي برونزية]

ياطيب قلبها
يازين كلامها
ياحلو اسلوبها
يحظ من لمس يدها وكلمها وشافها

[عشقي برونزية]

*****=1 ******=1

[نواف]

حطيتها لك >>>>>>>>>>>>> تأمر أمر وتدلل واي شي تبية اطلبة

[عشقي برونزية]

الحين كيف القاها ؟

[i!..رشة عطر..!i]

آحلاااااااااااااااااااا موضوع بذآ القسم

يستاهل فايف ستار


ننتظر باقي مذكراتك ..